喂.. 喂... 喂.... 搵邊個呀
警察.

吓???    [ 疑惑中 ]
你識唔識 XXX ?
識, 佢係我個仔, 有咩事呢 ?   [ 在不安中 .... ]
哦, 咁就好囉, 卒之搵到 LA.
究竟咩事先 ???    [ 感到血壓在飈升中.... ]
係咁嘅, 你個仔撞左車, 宜家急救緊, 你快0的0黎醫院啦.
咁..咁...0係邊度撞車呀 ? 有無生命危險 ???       [  嘩,

 嚇死我LA, 心臟差不多要停頓了 ] 
你唔好理咁多啦, 快的0黎醫院啦.
好..好..., 我宜家即刻0黎. [ 腦海內祗剩下 一片空白 ]
好啦, 快0的啦.
喂喂, 宜家究竟0係邊間醫院呀??  [ 突然醒覺..... ]
哦, 係瑪嘉烈醫院, 你搭地鐵去美孚再轉專線就到 LA.
唔該哂, 咁0係醫院邊度呢 ?
0黎到直入急症室的警崗搵我就得 LA
知道, 知道, 我0黎 LA.

以上是我這個亞婆於 4 月 6 日晚上九時許
跟一位警察先生的電話對話之內容.
對於一個年齡已過六十的亞婆, 這個電話內容之
驚嚇指數真係----爆燈.      
但無論甚樣, 我一定要向這位警察先生說聲謝謝, 
因他使我得悉我的兒子發生了意外及他的最新狀況.
並很友善及詳盡的提供了一條去醫院的路線.
另外, 亦要在此向瑪嘉烈醫院全體之醫護人員致敬,
及說一聲謝謝, 謝謝你們對我兒子無微不至的照顧, 
精湛底醫術. [ 仁心仁術 ] 是你們當之無愧的稱號.
現送上一曲 [ 祝福你 ], 祝諸位幸福快樂, 特別是....
那位警察先生及瑪嘉烈醫院全體的醫護人員.